في وسط غلاء أسعار البنزين، الشعب المصري أصبح مضطر يطلع بأفكار جديدة توفر عليهم في مواصلاتهم اليومية. في أفكار فعالة جداً تحولت لمؤسسات، وفي أفكار فشلت بشكل غير عادي. مشاركة السيارة واحدة من الأفكار اللي نجحت في التوفير على الشعب المصري لأنها فكرة بسيطة وعملية ولكن مع ظهور تطبيقات مواصلات جديدة زي باصيت بنلاقي نفسنا في مفترق طرق وبنسأل سؤال، مين أفضل باصيت ولا السيارة؟ كملوا قراءة وهتعرفوا!

 

باصيت ضد السيارة وليه الخدمة أفضل 

  • التوقيت
  • المساحة
  • التكيف
  • التوفير
  • الحجز

التوقيت

كلنا بشر وأحياناً بنرتكب أخطاء زي إننا بنتأخر في مواعيدنا ودا عادي. اللي مش عادي إنك تتأخر على 4 أفراد معتمدين عليك توصلهم الشغل في أوقات محددة، أو اتأخرت على ناس مستنينك عشان يتحركوا. في المقابل عندك باصيت وطاقم العمل والسائقين اللي بيحرسوا على إن كل رحلة توصل في معادها بضبط. كمان بتوفر على نفسك التواصل مع الأشخاص علشان بتقدر تحدد مكان الباص من التطبيق بكل سهولة!

المساحة

خمس أفراد مزنوقين في سيارة في الحر فكرة مش مشجعة على الإطلاق، صح؟ دا غير طبعاً إن المساحة والمساعدين بتختلف من سيارة للتانية، ممكن تركب سيارة سلسة زي ملاية مكوية، وممكن تركب سيارة تحسسك إنك في خلاط فاكهة. باصيت طبعاً أتوبيساته دائماً مريحة وفيها مساحة لرجلك تمددها براحتك وتكيف بارد طول الرحلة من أول ما تركب لحد ما تنزل. طبعاً مكانك بيكون محجوز لك، 5 ورا دي مش بتاعتنا خالص.

التكيف

معروفة، الباص المكيف دائماً أسقع من أي تكيف سيارة. تقدر تقول إنها مقارنة بين تكيف مركزي في فندق وتكيف عادي في البيت. عامل تاني طبعاً المساحة الصغيرة في السيارة على 5 أفراد ومساحة الباص مع التكيف اللي بيكون موزع الهواء بشكل أفضل بكتير من سالون أي سيارة. لو مش مقتنع جرب تنزل بالسيارة وترجع بباصيت وهتلاحظ الفرق.

التوفير

يمكن من أهم النقط المؤثرة في المقارنة. أيوا، باصيت هيوفرلك فلوس، ولأ مش قصدنا عشان بس العروض ونقاط الخصم، بنتكلم توفير مباشرةً. أولاً السيارة في الزحمة بتحرق بنزين، بينما في باصيت أنت دافع تذكرتك مقدماً بدون تكاليف إضافية حسب حالة الطريق. ثانياً، السيارة هتحتاج صيانة من الحين إلى الأخر بينما باصيت بيعتني بأتوبيساته ومش هيطلب منك فلوس صيانة أكيد، كل اللي بتعمله تحجز رحلتك وتستمتع. لو أضفت على دا كله العروض ونقاط الخصم، هتلاقي إنك موفر ثروة.

الحجز

تقدر تحجز مع باصيت رحلات زي ما تحب وزي ما تحتاج بعكس السيارة اللي لازم تتطلب عدد معين من الناس يتفقوا على مكان ووقت يتقابلوا به عشان يتحركوا. أنت تقدر كمان تحجز رحلات الأسبوع كلها عشان متنساش. واضح إن باصيت أفضل في كل شئ، لو لسه مش مقتنع حمل تطبيق باصيت واستمتع بأول رحلة مجاناً وشوف الفرق!