كلنا عارفين أن أي رحلة باص جودتها بتعتمد على الكابتن بشكل كبير. في باصيت احنا بنحب نعلى بمستوى الخدمة والكباتن بالمثل. هتلاقي في التطبيق طلب تقديم شكوى عمرك ما هتستخدمه طول ما بتركب معاناـ عارف ليه؟ كمل قراءة وهتعرف أهم ما يميز كباتنا.

صفات كباتن باصيت

  • الاحترام
  • دقة المواعيد
  • متدربين على أعلى مستوى
  • الأمان أولًا
  • بيستمتع بالسواقة
  • اجتماعي

الاحترام

الاحترام واللباقة في كباتن باصيت بيظهروا في أبسط المواقف، مثلًا هيقابلك الكابتن بابتسامة لطيفة صباحًا معاها صباح الخير. الموضوع بيمتد لحاجات زي إن الكابتن عمره ما هيشغل موسيقى أو أغاني بصوت عالي ويزعج الركاب.

دقة المواعيد

ودا أحد أول الأسباب اللي تخليك تختار تطبيق باصيت كخدمة المواصلات لك. عمرك فكرت في العنصر البشري اللي بيخلي الخدمة دقيقة في مواعيدها؟ بالضبط، الكباتن واللي بيتابعهم! اللي اتنين متدربين على أعلى مستوى علشان يوفروا وقت الجميع.

متدربين على أعلى مستوى

طبعًا قلنا انهم متدربين ودا واضح في دقة المواعيد، بس احنا بنتكلم على تدريب في كل حاجة. على سبيل المثال، كباتنا عارفين كل شئ متعلق بالطوارئ ويعرفوا يتصرفوا بسرعة علشان يكملوا الرحلة. لو الباص العجلة بتاعته نامت مثلًا، الكابتن هيغيرها في 5 دقائق في أسوء الظروف.

الأمان أولًا

علشان الرحلة تكون مريحة، لازم تكون أمان الأول. كباتن باصيت عارفين اننا مش في فيلم أكشن، هيوصلوك بسرعة في حدود المعقول. أول علامة تثبتلك دا هي حزام الأمان اللي دايمًا هيكونوا لابسينه.

بيستمتع بالسواقة

السواقة مزعجة وعلشان كدا أنت بتركب باصيت، لكن كباتنا بيستمتعوا بالسواقة! دا معناه ان رحلتك هتكون على طول رايقة وتخلو من أي عصبية أو خناقات بسبب الزحمة سواء صباحًا أو مساءً.

اجتماعي

يمكن متلاحظش النقطة دي وأهميتها، كباتن باصيت بيعرفوا يتواصلوا ويتكلموا مع عملاء باصيت. كمان بيعرفوا أنت محتاج ايه في رحلتك ودا تقريبًا كل النقط متجمعة في واحدة.

مستني ايه؟ أحسن باصات، أحسن سواقين، وأحسن خدمة نقل في القاهرة الكبرى. نزل تطبيق باصيت واستمتع بأول رحلة مجانًا بالكامل.