أخر مرة مصر استضافت كأس الأمم أفريقيا كان في 2006، أخيراً مصر رجعت تستضيف البطولة تاني في 2019 وأكيد كلنا هنشجع مصر من قلبنا سواء من البيت، الإستاد، الشارع كل مكان. في مننا هيروح الإستاد يتفرج عالماتشات عشان يعيش التجربة كاملة ومتكاملة لكن ميعرفش إنه الموضوع مش بالبساطة دي. في بعض الحاجات لو مأخدتش بالك منها مش هتستمتع بتشجيع بلدك، لحسن الحظ إحنا جمعنالكم أهم الحاجات اللي تخليكوا مستعدين للبطولة!

كيف تستمتع بتجربة كأس الأمم كاملة كمشجع؟

  • أوصل بدري
  • اختار هتاخد ايه معاك بعناية
  • ألبس مريح
  • متنساش العلم
  • اتمرن كتير

أوصل بدري

السر في حضور أي حدث في جمهور كتير هو الوصول للمكان بدري. هتلاحظ إنه في أوقات الماتش الشوارع بليل هتكون زحمة والسواقة والمواصلات هيكونوا زحمة والإستاد هيكون زحمة أكتر. التشجيع هيتسمع من بيوت السكان حول الملعب فلك أن تتخيل إنك في الزحمة دي بتحاول تدخل الإستاد وكمان واصل متأخر قبل ما الماتش يبدأ بساعة مثلاً، حظ سعيد.

بس عموماً تقدر تحمل تطبيق باصيت وتستمتع برحلة باص مكيف محجوزة للإستاد في الوقت اللي نفسك فيه عشان توصل بدري وتستعد بمزاج من غير زحمة مواصلات أو غيرها.

اختار هتاخد ايه معاك بعناية

اليوم هيكون طويل من أوله لأخره ولازم تتخذ قرار هتاخد ايه معاك. تخيل السيناريو التالي، حجزت رحلتك المكيفة مع باصيت ومستمتع برحلتك لحد الإستاد وتعودت على كدا…باصيت مكيف لكن الإستاد لأ فلازم يكزن معاك أساسيات زي المياه وفوتة للرطوبة والحر والعرق ولو أنت من النوع اللي بيجوع كتير سناكس بسيطة مش هتضر.

ألبس مريح

وصلنا لأنك هتحجز رحلة مريحة مع باصيت وتاخد حاجات تريحك و في الأخر تنزل ببنطالون مش مريح؟ في الإستاد والحر كمان. الموضوع ممكن يكون عادي حالياً بس هيأثر عليك ساعتها. كمشجع دايماً البس لبس يريحك ولو تقدر البس لبس المنتخب الرياضي عشان هو مصمم للراحة والأداء. جزء كبير أوي وأهم في الراحة هو اختيارك للجزمة. هتقف كتير فالبس أريح جزمة عندك.

متنساش العلم

عرفت هتلبس ايه وهتاخد ايه وأحسن طريقة للوصول ايه واللي هي واضحة وضوح الشمس، دايماً اركب باصيت، عارف ايه أوضح؟ إنك تجيب العلم! مينفعش تسمي نفسك مشجع من غير العلم على كتفك. لو محتار هتشيله فين في الطريق متقلقش، باصيت في أماكن وكبائن تقدر تخزن فيها حاجتك.

اتمرن كتير

سيب اللعب لرجالة المنتخب واتمرن عالتشجيع. الناس دائماً تألف أغاني وهتفات جديدة للفريق اللي بتشجعه زي أغنية محمد صلاح الملك المصري اللي هنسمعها كتير في البطولة. دور عالهتافات والأغاني الجديدة وإحفظها، اتمرن على اللي عارفها، قلف جديدة وأنت في الباص حتى!
كدا تقدر تستمتع بتجربة المشجع كاملة. الكأس يا مصر! ومتنساش إني باصيت دائماً في ظهرك.