الصيف دا مختلف عشان باصيت هتاخدك الساحل! تقدر تنزل عند Diplo 3, أمواج, أو تلال العالمين. احنا كمان عايزينك تستمتع بوقتك هناك، مش بس الطريق. متقلقش بخصوص مساحة الشنط في الأتوبيس عشان متاحة كدا كدا، بس ركز أوي في هتاخد ايه معاك لأن في حاجات مينفعش تنساها.

اقتراحات باصيت لتاخد ايه معاك الساحل!

  • أي حاجة ليها علاقة بالشمس
  • عوامة
  • ملايات وفوط
  • لبس صيفي

 

أي حاجة ليها علاقة بالشمس

مصيف يعني بحر، وبحر يعني شمس معروفة. أول حاجة هتحتاجها من أول ما تنزل من بيتك لحد ما ترجعله هي نظارة الشمس بتاعتك. صحيح هتبقى راكب أتوبيساتنا المكيفة الصيف دا بس احنا منقدرش نمنع الشمس من إنها تطلع يعني. حلو أوي، وصلت أخيرًا ومتحمس للشاطئ والبحر عشان تسترخي وتستمتع. نظارتك معاك، أي حاجة على راسك، وأكيد أكيد هتحتاج كريم للشمس. نقولك على حاجة ممكن تعجبك؟ شمسية صغيرة لو أنت من هواة الإنستغرام هتعمل العجب في الصور.

عوامة

طبعًا أنت فاكرنا بنهزر، صح؟ عمومًا احنا بنتكلم بجد. الساحل مش بس بحر، دا كمان في بيسين تقدر تطفو في على عوامتك في سلام لا ينتهي بمشروب منعش وكتاب مثلًا. دي كمان طريقة رائعة عشان تتعرف على الناس، زي الكلاب بضبط! دلوقتي العوامات بتيجي على أشكال فلامينجو، بط، أي حاجة من بسيط لشيك. اللي هتختاره بقا لازم يكون مناسب لك. النقطة اللي بعدها أهم من دي، دا وعد.

ملايات وفوط

أول حاجة هتعملها لما توصل في أي حتة (قاعدة عامة) إنك تغير ملايات السراير. عمرك ما هتعرف مين أو ايه الشخص اللي كان بيستخدمها قبلك، ودا كلام صحي ومنطقي. تغيير الملايات والفوط النظيفة هيساعدوك ترتاح نفسيًا وتستمتع بوقت وتنام في هدوء بعد يوم طويل. كمان هتكون متعود على ريحتهم وملمسهم اللي هيضبطوا مزاجك لتاني يوم.

لبس صيفي

واضحة وضوح الشمس ومش مستاهلة، بس هنقولك ليه على الليست. كتير مننا بيحبوا يخرجوا بليل ويستمتعوا بجو مختلف تمامًا في الساحل. عشان كدا لازم يكون معاك لبس صيفي للصبح، ولبس خروج صيفي بردو لبليل وبكدا تبقا عملت حساب كل الأماكن.

أيًا كان اللي هتاخده معاك، اعمل حسابك واحجز رحلتك للساحل مع باصيت عشان تبدأ اجازتك بأحسن شكل.